SB






風雨同路

上星期香港迎嚟今年度首個颱風,
雖然最終都冇打到8號風球咁勁,
但係呢個3號波嘅威力都唔少嘢,
橫風橫雨嘅時候,都真係吹到歪㗎!
跟住同朋友討論開遇上打風嘅日子,
最慘就係身處外地,
香港人面對天文台所發出嘅風暴信號好熟悉,睇咗10幾年,
當天文台掛3號、8號,10號時就知道個風嘅力度同埋距離,
知道自己究竟可以出街定係應該匿埋,
但係如果你身處外地,
你睇住人地國家嘅天氣報告,
真係會唔知究竟個風係打得正唔正,使唔使匿埋㗎。
好似內地咁,佢哋打風只會掛起「顏色」警報,
咁紅色就梗係最勁喇,相當於香港嘅8號風波㗎!
如果你唔熟悉當地嘅風暴信號,有陣時都會幾迷茫㗎。
所以奉勸大家,當大家出門時,除咗準備自己嘅行裝之外,
都要注意一下當地天氣報告嘅信號,
咪以為全世界都同我哋香港嘅天文台一樣先得呀!
無論如何!無論香港嘅天氣如何,世界點變,
我哋〈yes!!〉愛護全天候年青嘅心都係唔會改變嘅,
永遠支持偶像歌手們。所以無論將來變成點,
我哋〈yes!!〉都會同大家風雨同路!


隨書激送!
偶像靚海報
今期〈yes!!〉送俾大家嘅靚海報,就係要照顧香港嘅韓飯同埋港迷,包括有韓國大勢團B.A.P.同埋男神李敏鎬,仲有港迷至愛BOP天堂鳥同埋小巨肺G.E.M.。大家各取所需,開心晒!