自由出入
香港「原本」係一個自由嘅社會，只要任何人冇觸犯法例，佢都有自由去任何地方。但近排見到好多新聞，話唔俾邊個邊個去邊度邊度，因為驚會造成混亂；又或者某個人嘅出現係意識不良等等。呢種禁足做法，本人覺得未免太唔自由喇！ 本人唔係想偏幫任何一方，一眾𡃁模嘅行徑有時又真係過份誇張，又或者佢哋本身唔係咁「爆」嘅，只係傳媒將佢哋「局部放大」啫，但係呢啲都唔係本人想討論嘅嘢，只係想講某啲官員或行政人員嘅處事能力啫。 其實本人覺得，做人凡事唔應該「預先」或者「設定」某人會做些什麼，而去禁止佢活動嘅自由，其實本人覺得可以俾啲指引，希望某人行徑唔好咁「出位」，再喺活動上加插人手監管，遇到有咩唔妥嘅地方先至阻止都未遲呀，何必要一早講晒出口話禁，俾個機會俾人話呢？如果係對方先錯，而你去制止就你啱佢錯喇！而家懶醒禁絕𡃁模，不但俾人話「失去自由」，亦唔見得已將事件解決，何必呢!? 不過，無論點都好喇，香港一年一度嘅「動漫電玩節」係一眾年青人去玩、去Hea、購買心頭好嘅好機會，絕對唔可以錯過呀！ 你去咗香港動漫電玩節未呀!? 唔係未呀？咁就真係Out喇！ P.S. 記得去F18〈yes!!〉攤位呀，拎埋上星期〈yes!!〉隨書送嘅「〈yes!!〉@2010香港動漫電玩節 入手攻略」，包你有驚喜！
今期激送！偶像毛巾盒！ 「實用」兩個字，絕對可以形容晒今期〈yes!!〉所送出嘅隨書贈品呀。事關今期嶄新送出偶像毛巾盒，可以俾大家喺呢個炎炎夏日，將小手巾放喺毛巾盒入面，方便攜帶呀。當然唔少得有偶像靚樣喇，今期送出6款，包括鄧麗欣、楊丞琳、鍾嘉欣、FTIsland、蔡卓妍同張敬軒。想到手就要快手喇！
